ШҚО ТЖД мамандары облыста мемлекеттік тілде ең үздік іс жүргізушілер болып танылды. Мемлекеттік мекемелер қызметкерлері арасында мемлекеттік тіл бойынша өткен облыстық конкурстың қазылар алқасы осындай шешімге келді.  Өз қарсыластарын озып, ең көп мөлшердегі ұпай жинап,  ШҚО ТЖД командасы гран при иегері атанды.

Конкурс мемлекеттік тілді қолдану мен дамытудың 2010-2011 жылдарға арналған өңірлік бағдарламасы шеңберінде өтті. Әрқайсысы 5 адамнан тұратын 10 команда қатысты. Күрес жеңіл емес еді. Қатысушылар 5 кезеңнен өту керек болды. Конкурстың басты бір бөлімі – ол команданың өзін-өзі таныстыруы  болды. Бұл сайыста жарқын және тамаша сәлемдесу арқылы қатал қазылар алқасының көзіне түсу керек еді. 2-ші кезеңде командалар  ресми құжаттарды ресімдеу және құрастырудан білімдерін көрсетті.  Үшінші тапсырма : «Мемлекеттік тіл жаңа технологиялар әлемінде» атты тақырыпқа үй  тапсырмасы болды. Ал ең ауыр кезең ол қатысушылардың айтуынша, терминология сайысы болды. Бұнда қатысушылар сауатты түрде мемлекеттік терминология комиссиясы бекіткен сөздерге сәйкес, терминдерді орыс тілінен мемлекеттік тілге аудару керек.

Бұл тапсырманы ШҚО ТЖД қызметкерлері жеңіл орындап шықты. Қатал қазылар алқасы ТЖ командасының бірлескен жұмысын байқады, барлық бес қатысушы да жұмыла, тату жауап беріп отырды, тіпті хормен деп те айтуға болатын еді... Сайыстың аяқтаушы кезеңі болып шешендік қойылым көрсету болды. Қатысушылардың біреуі емтихандағыдай билет алып, көпшілік алдында тақырыпты ашуы қажет. Оны жай ғана әңгімелеу емес, бұл жерде қиын сөйлемдер мен сөз тіркестерін үйлестіріп, орын-орындарына қою керек.    Барлық тапсырмаларды үздік орындап шығып, ШҚО ТЖД командасы сөзсіз гран при иегері атанды.  Сайыста әріптестерін ШҚО ТЖД үрмелі оркестрі де қолдағанын атап өту қажет. Оркестр өз қойылымымен көрермендерді қызу және жағымды әсерге бөледі.