Қазақстан Республикасы Төтенше жағдайлар министрлігі аппарат жетекшісінің нұсқауын орындау барысында және  Тілдерді қолдану мен дамытудың 2001-2010 жылдарға арналған мемлекеттік бағдарламасын жүзеге асыру бойынша Шығыс Қазақстан облысы Төтенше жағдайлар департаменті 2009-2010 жылдарға арналған шаралар Жоспарына сәйкес 2010 жылдың 26 тамызында ШҚО ТЖ департаментінде іс-қағаздарды мемлекеттік тілде жүргізетін құрылымдық бөлімшелер мен ведомствоға қарасты мемлекеттік мекемелер қызметкерлері арасында “Мемлекеттік тіл – мемлекеттік қызметте» атты конкурс ұйымдастырылды. 

         Қатаң қазылар алқасы құрамында болған:  Құлыштаев Ермак Иманғалиұлы ШҚО тілдерді дамыту Басқармасының өкілі,  Зайра Заманбекқызы Сейманова мемлекеттік тілді оқыту орталығының маманы және Департамент қызметкерлері Көпен Ерқасұлы мен Есімханова Мадина сайысқа қатысушылардың әрбіреуінің біліміне дұрыс және әділ  баға берді. Департаменттің әрбір бөлімшелерінен келген 11 қатысушы мынадай:  бекітілген терминдерді білу, құжаттарды сауатты түрде әзірлеу, ілеспе аударма, ресми мәтінді аудару және т.б.  номинациялар  бойынша сынға түсті.

         Іс қағаздарды мемлекеттік тілде жүргізудің үздік маман болып Өскемен қаласы Төтенше жағдайлар басқармасы қызметкері Лаура Әмірғалиқызы Жанғазина танылды. Екінші орынды ШҚО ТЖД «ӨСжАҚЖҚ» ММ кадр жұмыстары бөлімінің бас маманы  Жанар Орманбекқызы Сағдоллина иеленсе, үшінші орынды ШҚО ТЖД «ӨСжАҚЖҚ» ММ  №1 МЖ мамандандырылған өрт сөндіру бөлімінің технигі Гаухар Кабдоллақызы Шакенова алды.  

         Департамент басқармасы аппараты ұйымдастырған бұл шара мемлекеттік тілді дамыту ісіндегі тағы бір үлкен жетістік және тіл саясатын насихаттауда басқа бөлімшелерге үздік өнеге болады. 

Мадина Есимханова